عزيزى جمعه

حنكوشة القهوجى شخصية جديدة علينا من القهوة وكاراكتر جديد كمان من نوع مختلف فعلا تحس انة معندوش القدرة انة يستوعب اى معلومة الا اذا كان مستنضفك يعنى من الاخر كدة لو انت مش شخصية معاه وطبعا مش مقصود انك تكون ناشف فى معاملتك معاه او تعاملة بئلاطة المطلوب انك يكون ليك شخصية فعلا لان حنكوشة شايف انة احسن منك ان شالله تكون انت رئيس مراجيح مولد النبى . المهم سيبنا من مواصفات حنكوشة لانها حتدخل بينا فى متاهات مش حنعرف نخرج منها ابدا الا لما حنكوشة يفتحلنا من برة . القصة وما فيها ان حنكوشة لية صديق اسمة جمعة مسافر برة ومتغرب وتقريبا واخد فيزا لبنى سويف وقرر يبعتلة جواب ومش جواب عادى
لا دا الجواب بالانجليزى كمان لان هو دة المستوى الثقافى اللى مش ممكن يتنازل عنة ابدا المهم تعالوا نشوف حنكوشة قال اية لجمعة ....

• Dear Friday
  عزيزى جمعة
• when I was in the lady first yesterday i saw a piece of girl
  اول امبارح وانا ماشي في السيده شفت حته دين بنت
• she was egg and sweet
  بيضه وحلوه
• i said: ya earth keep what on you
  انا قلت: يا ارض احفظي ما عليكي
• a hundred evening on your eyes ya beautiful
  ميت مسا علي عيونك يا جميل
• she said : poison
  قالت : يا سم
• i said : poison from your hand is poison poison ya moon
  قلت : السم من ايدك يبقي سمسم يا قمر
• she shouted in me : yes yes your mother soul
  صرخت : نعم نعم يا روح امك
• do you remember me one of them
  انت فاكرني واحده من اياهم
• collect your self or i will collect the street on you ya omar
  لم نفسك ولا الم عليك الشارع ياااااااا عوووووومر
• the girl entered my brain
  البنت دخلت دماغي
• i said : why like this ya daughter of people
  قلت : ليه كده يا بنت الناس
• i want you on the book of god and his profit
  انا عاوزك علي سنه الله ورسوله
• the boon on me i write my book on you tonight
  ندر عليا اكتب كتابي عليكي الليله
• she laghed and said on your slow on your slow
  ضحكت وقالت: علي مهلك علي مهلك
• write the book one piece? not talk on me first
  تكتب الكتاب مرة واحده؟ مش تتكلم عليا الاول يعني تكلم أهلي
• i shouted: i die in the cream ya thousand whites morning
  زعقت: اموت في الحلاوه يا الف نهار ابيض
• i am going to talk on you right now and writ my book on you
  انا رايح اتكلم عليكي حالا واكتب كتابي عليكي
• bye Ya Buetifull
  سلام يا جميل
  
  وانتهى حنكوشة من كتابة الجواب لصديقة جمعة وانا من موقعى دة بنحنيلة على المعلومات القيمة اللى كان ليا الشرف واكيد ليكم انتوا كمان اننا نعرفها ونسمعها وحسبى الله ونعم الوكيل فيك يا ابو الحناكيش انت وجمعة .