حياة افضل مع الناس الرايقة

حياة أفضل أو بالتحديد 40 طريقة لو نفسك تعيش حياة افضل واحسن ودا هيكون موضوع تدوينة النهاردة واللى كانت ناتج صدفة بسيطة وغريبة فى نفس الوقت لأن فى الوقت اللى كنت ببص فيه على بريدى الخاص واشوف اية الجديد ويلفت نظرى ايميل بيتكلم عن نفس الموضوع وفى الجانب التانى عدوية ورامى عياش وبحب الناس الرايقة اللى بتضحك علطول بالنسبة للجنس الخشن وبتدحك علتول بالنسبة للجنس الناعم ... ما علينا من موضوع الضحك بعد ما قريت الايميل لاحظت ان فى عوامل مشتركة بين محتوى الموضوع وبين كلمات الناس الرايقة اللى كنت بسمعها فى نفس الوقت ودا
اللى هنعرفة لما نقرا ونعرف اية هم الـ 40 طريقة لو عاوز حياتك أفضل ... 

1- حاول تخصص من وقتك كل يوم تقريبا نصف ساعة امشى فيهم وحاول تكون دايما مبتسم .

2- بالتأكيد لازم يكون فى وقت للغذاء الروحى عن طريق الصلاة والتسبيح وغيرها.
3- عيش حالة سكوت وصمت لمدة عشرة دقائق يوميا وأفتكر الموضوع دة مش صعب فى الأيام اللذيذة اللى احنا عايشينها دى .

4- خصص 7 ساعات تنام فيهم يوميا .

5- اقرأ كتاب كل فترة وحاول تكون كمية الكتب اكتر من السنة اللى قبلها .

6- حاول تلعب اى لعبة مسلية بصورة يومية واكيد الكل هيقول مفيش وقت !!

7- أستخدم " الطاقة, الحماس, العاطفة" علشان تعيش حياتك بيهم.

8- أحلم أكتر وانت مستيقظ.

9- أكثر من الطعمة الطبيعية فى اكلك وابعد عن المعلبات.

10- حاول تقضى وقت مع نوعيات مختلفة من الناس كل يوم زى ناس اعمارهم تجاوزت الـ 60 أو الـ 70 واطفال اعمارهم لا تتعدى الـ 6 سنوات.

11- اشرب ماء بكميات بيره.

12- حاول تخلى ثلاثة اشخاص يبتسموا فى يومك .

13- مع شريك او شريكة حياتك حاول دايما انك تنسى كل ما فات ومتقفش عند اى موضوع لأن تذكيرك له او لها بغلطات حصلت هيفسد اللحظة الحالية.

14- لا تضيع وقتك الثمين فى الثرثرة يعنى الكلام الكتير والغير مجدى.

15- لا تستسلم لأى فكرة سلبية وتديها فرصة انها تسيطر عليك ودائما وفر طاقاتك للأفطار الأيجابية.

16- أبتسم وأضحك كتير.

17-  كل فطارك كأنك ملك وغداك كأنك امير والعشاء كأنك فقير.
18- اعرف ان الحيلة مدرسة واعتبر نفسك طالب فيها وافهم ان كل المشاكل هيا عبارة عن مسائل رياضية عندك القدرة على حلها.
19- الحياة بالقصر بما يكفى انك مضيعهاش فى انك تكره حد.
20- لا تأخذ كل الأمور بجدية وكن دائما سلس وعاقل.
21- وافق على اخطائك مش من الضرورى انك دائما تكون الفائز فى النقاشات والمجادلات.
22- الماضى دائما فيه سلبيات انساها جميعا وانظر للمستقبل.
23- لا تقارن حياتك بحياة الخرين ولا تقارن شريك او شريكة حياتك ايضا بالأخرين.
24- " أنت " هو الوحيد المسئول عن سعادتك وليس شخص أخر.
25- سامح كل الناس بدون استثناء.
26- لا علاقة لك بنظرة الأخرين اليك وعنك.
27- أحــســن الــظــن بالله دائما.

28- مهما كانت الظروف والاحوال جيده او سيئة لابد وان تثق بأنها ستتغير.
29- فى وقت مرضك عملك لن يكون هو من سيهتم بك بل أصدقائك فأهتم بهم.
30- تخلص من كل شئ لا ترى فية متعة او فائدة او جمال.
31- الحســد ليس اكثر من مضيعة للوقت فابتعد عنه.
32- كل شئ أفضل هو فى الطريق اليك وقادم لا محاله.
33- مهما كان شعورك لا تضعف ودائما كن منطلقا ويقظا.
34- أعمل الصح دائما.
35- أتصل بأبيك وأمك وعائلتك دائما.
36- كن متفائل وكن سعيد دائما.
37- كل يوم لازم تسيب حاجة كويسه ليك وللناس.
38- اعرف حدودك.
39- عندما تستيقظ فى الصباح وانت على قيد الحياة احمد الله على ذلك.
40- قل الحمد لله .

رقم 41- اعتقد اانى ممكن اضيف الطريقة الاخيرة دى للموضوع بانك تنشر الموضوع بين اصدقائك لو حسيت باى تغيير وانت بتقراها .

- ويرجع مرجوعنا للناس الرايقة وكما قال عدوية وعياش عن الناس الرايقة .....
وبحب الناس الرايقة اللى بتضحك علطول ... 

أما العالم المدايقة فانا لااا مليش فى دول ... 

ومليش فى الدمع لا لاااا ... 

ولا فى الناس الشيالة ... 

كل اللى فى قلبة حاجة اول باول يقول ...

وبحب اللى مخليها على الله اللى ميحسبهاش ...

دا العمر قصير لية نتغير ولا مانعيشهاش ...

بقى كم شالوا هم وحرقة دم يا عينى راحوا بلاش ... الخ

- واتمنى ان التدوينة تكون قالت حاجة وتكون عند حسن ظن رواد قهوه بلدى .