افوره

يوم غريب ....... يا ترى هيعدى ازاى .... هيكون فى جديد ولا زى كل يوم ....... - طيب امسك القلم واكتب ........ لكن هكتب ايه ....وهكتب لمين ؟ سؤال صعب ملوش اى اجابه ... بس ... لقيتها انا هكلمك انتى السيجاره : انا .... انت بتكلمنى انا ؟ انسان : ايوه انتى .... تسمحيلى بالطالعه دى ؟السيجاره : اتفضل اطلع .. وقول عايزه ايه ؟ انسان : الى انا عايزه مش كتير وبرده مش قليل السيجاره : طيب اتفضل قول عايز ايه يا عم الفيلسوف انسان : من غير تريقه لو سمحتى .... انا مش عايز غير الحقيقه التايه السيجاره : تقصد ايه .. انت شكلك كترت منى النهارده... انسان : هحاول افهمك لكن حاولى تستوعبى السيجاره : هحاول اتفضل اتكلم ...انسان : لييييييييه ؟ ... السيجاره : هو ايه الى ليه ؟
انسان : ليه ديما لم بحطك بين شفايفى واشرب منك كتير .... بشوف الناس سعداء ومبسوطين
والاخلاص والصدق مالى حياتهم .... لا كدب ولا نفاق ولا دموع...؟
ليه ديما الحياه بتكون جميله ... شجر وزهور وبساتين خضراء فى كل مكان وطيور
بتغنى للصبح الى طالع .... واطفال وبراءه فى كل مكان ....؟
ليه لم دخانك بيدخل جو منى وافكر بقلبى احس ان ده هو اكسير الحياه والروح ولم افكر بعقلى ...
اشوف سحابه سوده جوايا مكتوب عليها ( فى انتظار الموت القريب)....؟
ليه لم بخاف وابعد عنك القى الناس والدنيا اتغيرت ....وكل شئ ماشى فى عكس الاتجاااااااااه
وزحمه يا دنيا زحمه ... و غابه من الحيونات الكل بيعض فى كله.......
وااااااااااااااااااه...... اه يا كلمه واقفه جو حلقى من زمن ونفسى اقولها ...... لحد امتى بس ؟
- لحد امتى هفضل ماسك فيكى بصوابعى ونارك الى بتتسحب بين رمادك بتقرب منى ثانيه ورا ثانيه ..... وانا فى انتظارك تحرقينى ..... الحق فين من كل ده ... بيكى ولا من غيرك ...؟
السيجاره : ( ضاحكا بغرور ) الكيف غلاب يا صديقى .... انت الى عامل فى نفسك كده ...!
انسان : تقصدى ايه يا سجاره يا شقيه ..؟ السيجاره : انت عارف كويس انا اقصد ايه ..... لكن مش قادر تقنع نفسك .... العيب فيك لانك ببساطه متقدرش تستغنى عنى .......
انسان : ( ضاحكا باستهزاء ) اسمحيلى اسجل لفظ اعتراض ممضى عليه من اتنين عساكر وفيل وطابيه .... السيجاره: يااااااااه ... د انت بقيت سافل ..!
انسان : سافل عند القمر .... الحوار ببساطه انى لقيت الحل خلاص والى بيه هقدر اتخلص منك للابد.. السيجاره: وياترى ايه هو الحل يا فالح ؟ انسان : الماء هو الحل .... ما يطفى النار غير الماء... صح ؟ السيجاره: ايه قررت تعيش فى البحر وتسيب البر ... ولا هتتمرد على حيات الشوارع وتعيش فى البلاعات ... انسان : لا قررت اعيش فى البانيوهات .... نويت اعيش تحت الدش .... شئ جديد وغريب ..... ايه المشكله انك تعيش طول الوقت تحت دش ماء بارد ... بالعكس هتتشهر والدنيا كلها هتتكلم عنك ( الرجل الذى عاش عمره تحت الدش من اجل البعد عن التدخين والاحلام ) وادخل موسوعه غينيس ... وبالطريقه دى كل ما همسك فى ايدى سيجاره ولاعه هتطفى لوحدهااااا
هتطفى لوحدها .... لوحدها ...لوحدهااااا .... لوحدهااااااااااااااااا ...لوحدهااااااااا
 

القهوجى : (بصوت عالى وملفت للنظر ) فعلا هى لوحدها ومع نفسها خالص من بدرى ... لا حول ولا قوه الا بالله
... اشفى يا رب واعفى ايه الى جرالكم يا شباب مصر ....
انسان : ( بانزعاج ) ايه يا عم فى ايه ... عايز ايه ؟
القهوجى : الحساب يا برنس ...بقالى ساعه عمال اقولك الحساب وانت عمال تقولى لوحدها ...
هى مين دى الى لوحدها يا استاذ ...هو لسمح الله انت تعبان ولا حاجه .....
بقالك ساعه قاعد تكلم فى نفسك وتقول حاجات غريب .... اعفى يا رب واشفىد انتوا جيل المستقبل
انتوا الحاضر.... انتوا الى هتشيلوا الرايه ......يبقى ده حالكم ...لا حول ولا قوه الا بالله
انسان : ايه يا عم حسن شحاته ... رايه ايه وزماره ايه ... احنا هنشيل ايه ولا ايه ؟؟؟؟؟ اقولك وزع كبايه
شاى على كل شاب قاعد على القهوه وعلق يافطه على باب القهوة واكتب عليه بالبونط العريض
(علشانك يا مصر) .... حسابك يا عم خلصنى
( ناظرا الى السيجاره ) كان نفسى ... بس هعمل ايه ...... من الارض والى الارض نعود ( يقذف السيجاره )
تاااااااااااااااااااااااااااااااااااااااكسى


السائق : على فين العزم يا هندزه..؟
انسان : تاخد كام وتدودينى بيتنا ؟
السائق : الى بياخد فوق يا هندزا ...هع هع هع هع
انسان : يبقى اطلع بينا على فوق وخد بالك من الطريق يا برنس
السائق : الطاره دواره والغلطه بخسااااااره ... يا قوى يا رب

زووووووووووووووو human night