اختبار نفسى غريب

النهارده مراسلة القهوة فى الكويت جابتلنا اختبار نفسى غريب من نوعة بس فى نفس الوقت ممتع وحيكشفلك شخصيتك بالفعل وهو عبارة عن رحلة خيالية حتعيش احداثها وتجاوب على الاسئلة من خلالها ويفضل انك تكتب الاجابات فى ورق او نوت باد على الجهاز علشان ترجعلها وتعرف النتيجة بدقة ....

1- انت فى غابة ضلمة والشجر فيها كثيف وانت ماشى وتعبان ومنهك لقيت كوخ يا ترى باب الكوخ كان

• مفتوح
• مقفول
  
  2- دخلت الكوخ لقيت طاولة اللى هيا ترابيزة يعنى يا ترى شكلها كان اية ؟
  
• دائرى
• بيضاوى
• مربع
• مستطيل
• مثلث
  
  3- على الطاولة دى كان فية اناء فية ورد وكان فية مياه يا ترى مقدارها كان قد اية ؟
• ممتلئ
• الى المنتصف
• فارغ
  
  4- طيب الاناء ده كان مصنوع من اية ؟
• زجاج
• بورسلين
• فخار
• معدن
• بلاستيك
• خشب
  
  5- وبعدين خرجت من الكوخ ومشيت تانى فى الغابة لقيت رجليك اخدتك لشلال سرعتة كانت كام ؟
• اختار من صفر لـــ 10
  
  6- مريت من الشلال ولقيت تحت رجليك حاجة قاسية وبتلمع مديت ايديك اخدتها لقيتها ميدالية مفاتيح . يا ترى كان فيها كام مفتاح ؟
• اختار من صفر لــ 10
  
  7- اخدت المفاتيج ومشيت تانى فى طريقك وانت منهك وتعبان بتبحث عن مخرج وفجأة ظهر قدامك قصر بين الاخراش . القصر دة كان
  
• قديم
• جديد
  
  8- دخلت القصر لقيت فية بركة فيها مياة ضحلة وعلى وش المياة دى فية جواهر بتلمع بتطفو فوق سطح المياة يا ترى حتمد ايديك تاخدها ؟
• نعم
• لا
  
  9- فى جنب البركة دى بركة تانية بس المياة فيها صافية ونقية وعذبه وفية نقود بتطفو على الماء حتاخد الفلوس دى ؟
• نعم
• لا
  
  10- حتمشى تانى لاخر القصر لحد ما تلاقى مخرج تخرج منة على حديقة غناء وفجأة تلمح صندوق على الارض ... يا ترى حجم الصندوق دة اية ؟
• صغير
• متوسط
• كبير
  
  11- الصندوق دة كان مصنوع من اية ؟
• ورق مقوى
  
• ورق
• خشب
• معدن
  
  12- فى اخر الحديقة حتلاقى جسر بعيد عن الصندوق يا ترى الجسر دة مصنوع من اية ؟
• معدن
• خشب
• خيزران
  
  13- مقابل الجسر حتلاقى حصان اية لونة ؟
• أبيض
• رمادى
• بنى
• اسود
  
  14- الحصان دة كان بيعمل اية ؟
• هادى وثابت فى مكانة
• بياكل اعشاب
• بيجرى فى المكان
  
  15- وفجأة لقيت اعصار بيقرب من المكان ومفيش قدام غير 3 حلول
  
• انك تجرى وتستخبى فى الصندوق
• تجرى وتستخبى تحت الجسر
• تجرى تركب الحصان وتهرب بعيد
  
  
  كدة احنا خلصنا الاختبار والقصة فى نفس الوقت تعالوا بقى نقولكم التحليل على ما تستريحوا من الرحلة المتعبة دى وحنزلكم حاجة ساقعة او شاى ولو حد عايز شيشة مفيش مشكلة
  
  
  
  التحليــــــــل
  
  
  1- باب مفتوح : معناها انك شخص مستعد للمشاركة
  باب مغلق : معناها انك شخص بتحتفظ بالاشياء لنفسك
  
  2- الطاولة الدائرية اوالبيضاوية : انت بتحافظ على جميع اصدقائك وبتثق فيهم
  الطاولة المستطيلة والمربعه : انت دقيق فى اختيار اصدقائك وبتصادق اللى يشبهك
  الطاولة المثلثة : انت ليك شروط فى اصدقائك وملكش اصدقاء كتير فى حياتك
  
  3- الاناء الفارغ : حياتك مش مكتملة
  الاناء الممتلئ حتى النصف : معناة ان اللى انت لقيتة فى حياتك يادوب نص اللى انت بتطمح انك توصلة
  الاناء الممتلئ : حياتك ممتلئة وانت راضى عنها
  
  4- زجاج او فخار او بورسلين : معناها انك ضعيف التحكم فى حياتك
  معدن او بلاستيك او خشب : معناها انك قوى وبتتحكم فى حياتك
  
  5- صفر : مفيش رغبة عاطفية فى حياتك
  من 1 لــ 4 : رغبتك العاطفية متدنية
  رقم 5 : معناها ان رغباتك العاطفية على نمط اعتيادى او طبيعى
  من 6 لـــ 10 : حضرتك عاطفى جدا جدا جدااااااااا
  
  6- رقم 1 : انت عندك صديق حقيقى واحد لا غير
  من رقم 2 لــ 5 : عندك القليل من الاصدقاء الحقيقين
  من رقم 6 لـــ 10 : عندك اصدقاء كتير يستحقون التقدير
  
  7- قصر قديم : علاقاتك السابقة كانت فاشلة ومؤلمة
  قصر جديد : علاقاتك السابقة كانت جيدة وسعيدة
  
  8- نعم : انت مش بتتردد فى مجاملة الاخرين اثناء وجود شريك حياتك
  لا : انت مبتعملش كدة
  
  9- نعم : انت مش بتتردد فى مجاملة الاخرين فى غياب شريك حياتك
  لا : انت وفى
  
  10- صندوق صغير : بتحس بنفسك ضئيل
  صندوق متوسط : احساسك بذاتك طبيعى ومتوسط
  صندوق كبير : احساسك وشعورك بذاتك قوى
  
  11- ورق مقوى او ورق او خشب : انت انسان متواضع
  معدن : انت شخصي عنيد معتد بذاتك
  
  12- معدن : عندك ارتباط قوى جدا باصدقائك
  خشب : ارتباطك باصدقائك اعتيادى
  خيزران : علاقتك باصدقائك مش كويسة
  
  13- حصان ابيض : شريك حيات طيب ونقى فى نظرك
  حصان رمادى : نظرتك لشريك حياتك نظرة اعتيادية
  حصان اسود : مش شايف شريك حياتك بصورة كويسة ودى طبعا علامة مش كويسة
  
  14- ثابت وهادى او بياكل عشب : شريك حياتك بيتوتى ومتواضع
  بيجرى فى المكان : شريك حياتك متمرد ومغامر
  
  
  
  دة بقى اخر واهم جزء فى الاختبار علشان تعرف تقيم نفسك بناءا على الاختيارات اللى انت اخترتها .... لان الاحداث اللى وضحناها ليها معنى حنشوفة حالا .....
  
  
• الاعصار : هيا المشاكل فى حياتك
  
• الصندوق : انت
• الجسر : اصدقائك
• الحصان : شريك حياتك
  
  - فاذا اخترت الصندوق فانت تحتفظ بمشاعرك والامك لنفسك
  - ولو اخترت الجسر يبقى اصدقائك هم اللى بيحتوك وبتلجأ ليهم عند اى صعوبات
  - اما اذا اخترت الحصان فدا معناه انك بتجرى على شريك حياتك اللى بتلاقى عندة الراحة وحلول كل مشاكلك .