انت هرم يا عم الحاج

خير اللهم اجعلة خير وانت قاعد يعدى عليك عم سيد يرمى السلام على الحاج يوسف الراجل الكبير العجوز اللى تشوف الزمن وعمايلة فى كل ملامحة ويقولة يا عم يوسف ازيك يا عم هرم استغربت انا من الكلمة فبسال على كخة اللى قاعد جنبى بقولة مين هرم دة قالى تعالى اعرفك بية وبكلمتين من اياهم لقيت نفسى قاعد معاه بسالة بقولة اية عم هرم دى يا حج يوسف قالى تعرف اية عن الهرم علشان تتكلم وتسال قولتلة معرفش كتير ممكن اعرف من حضرتك لو ممكن قالى طب هات ودنك واسمع .... شوف يا سيدى

أهرمات الجيزة

بهضبة الاهرمات فى مدينة الجيزة (منف اوممفيس) فى مصر على الضفة الغربية للنيل بنوها حوالى2480- 2550 قبل الميلاد هى عبارة عن ثلاثة اهرمات هى:هرم خوفو وخفرع ومنقرع وأحب اقولك ان الاهرمات هى مقابر ملكية كل واحد فيها يحمل اسم الملك الذى بناه واللى اندفن فيه بعد موته.
الهرم الاكبرفية قبر الملك الفرعوني خوفو وهو اللى بناه أثناء حكمه (2551ق.م. – 2582ق.م. ) خلال فترات فيضان نهر النيل ويقدر أن بناءه إستغرق (20 عاما)
قاعدة الهرم الأكبر مربعة والفرق بين جوانبها الطويلة والقصيرة نسبيا حوالي 19 سنتيمتر بينما مجموع طول أضلاع المربع أصلا 230 متر.و المربع الهائل ده مستو .و ارتفاعه 146,7متر . وبني من 2,3 مليون حجر في المتوسط الواحدةفيهم وزنها 2,5 طن متري . وفيه منها حجارة وزن الواحد 15طن متري .واللى بنوه 25ألف عامل مفيش منهم عبد واحد. وكان اختيار مهندسيه لموقعه فوق صخرة ليظل قائما للأبد . والهرم الأكبر من الداخل به ممرات تؤدي لحجرات عديدة من أهمها حجرة دفن الملك خوفووفي الحجرات دى ترك الكهنة مقتنياته اللى حيستخدمها بعد الحياة . ورغم سد الممرات بعد دفنه إلا أن لصوص المقابر نهبوا محتويات المقبرة القيمة . وكان مدخل الهرم ارتفاعه وقتها عن مستوي الأرض 17مترحيث يفضي ممر منه يؤدي لمقبرة الدفن علي عمق 18متر.وكان الممر الهابط ده يتقاطع مع ممر صاعد. ودلوقتى مقفول بحجارة من الجرانيت . والممر ده طوله 39 متر ويؤدي إلي حجرة كان يعتقد أنها للملكة .ولكن يقال أنها تضم تمثالا للملك يمثل روحه (كا) . والممر العلوي يمر من خلال رواق ضخم طوله 47متر وارتفاعه 8,5متر وكانوا بيحطوا فيه حجر كبير لسد الممرات بعد دفن الملك . وفي الجدار الغربي حتلاقى البهو الكبير بالممر العلوي فتحة نفق حتنزل بيك تحت ليصل تحت قاعدة الهرم الصخرية اللى فيها حجرة دفن الملك وكان للتهوية للعمال اللى كانوا بينحتوا في الحجرة الملكية . وفي النهاية العلوية للرواق الكبير حتلاقى ممر يتجه للجنوب جو غرفة الملك حيث حجرة مربعة بسيطة مبطنة بالجرانيت الأحمر وفيها مخلفات عبارة عن تابوت خوفو الجرانيتي اللى كان اندفن به قرب الجدار الغربي للهرم وقريب من وسط الجدارين الجنوبي والشمالي حتلاقى فتحات بارتفاع متر بتمر لأعلي داخل الهرم وتفتح علي خارج الهرم ولا يعرف الغرض منها. ونفس الفتحات دى موجودة بغرفة الملكة وتصل ممراتها بطول 65متر لكنها مسدودة

ملخص للهرم الأكبر

• هو أقدم عجائب الدنيا السبع والوحيد الباقي منها حتى يومنا هذا، وهو أشهر هرم في العالم على الإطلاق.

• بنى قبل أكثر من 4500 عام وكان قائما قبل مجىء النبى ابراهيم الى مصر .

• ظل أطول بناء فى العالم حتى بناء برج ايفل فى باريس بفرنسا.

• سر بنائه مازال مجهولا حتى الأن. •اختير كأعظم بناء هندسى فى تاريخ البشرية.

• لأول مرة فى التاريخ اجتمع ما يقدر بأكثر من 25 ألف نسمة لبناء شىء واحد وهو (الهرم). التمثال الوحيد للملك خوفو مصنوع من العاج طوله لا يزيد عن 7،5 سم.